Маладзёжны тэатр эстрады (вул.Маскоўская, 18а)
Тэатральнае ўвасабленне народнага свята гукання вясны рыхтуе музыка Раман Арлоў, вядомы па працы з гуртамі «J:МОРС», «У нескладовае», мюзіклу «Чарадзей».
Першую серыю прыгодаў літары Ў і яе сяброў маленькія гледачы і іх бацькі маглі бачыць перад Калядамі.
Але зіма сыходзіць, пасля доўгага сну ажывае прырода, абуджаецца да новага жыцця зямля.
Чалавек заўсёды імкнуўся праз розныя магічныя рытуалы паскорыць прыход вясны. З далёкіх часоў у беларусаў застаўся звычай — Гуканне вясны. Гэтае свята — адно з самых жыццесцвярджальных і радасных. Таму і выглядае яно вельмі яскрава: дрэвы упрыгожаны рознакаляровымі стужкамі і птушкамі, дзяўчыны водзяць карагоды, спяваюць песні-вяснянкі.
І ў новай казцы дзецям і іх бацькам распавядуць пра дзівоснае падарожжа Літары «Ў» і яе сяброў у Чароўны Бор, дзе прыгажуню-Вясну трымае ў палоне злосны чараўнік Зюзя…
Гэта прыгода — нібы сэнсавы працяг зімовай казкі «Як літара Ў уратавала Каляды». Дзеці зноў сустрэнуцца з упадабанымі персанажамі, але будуць новыя знаёмствы ды ўражанні і сюрпрызы.
І па традыцыі: дзеткам — салодкі пачастунак, бацькам — музычны падарунак.
Квіткі каштуюць ад 9 да 17 рублёў. Набыць іх можна анлайн.
Пры набыцці сямейнага квітка на чатыры асобы - зніжка 10%.
Дзецям да трох год уваход бясплатны.
Даведкі па т.: (44) 5517706, (29) 8517706.
Комментарии