11 жніўня (субота) а 13:00 у мястэчку Гарадзішча (6 кіламетраў ад кальцавой, за аўтарынкам «Малінаўка») адбудзецца перапахаванне Рудольфа Пішчалы — будаўніка Пішчалаўскага замка, колішняга прэзідэнта грамадзянскай палаты Мінскага суда, паведамляе Глеб Лабадзенка. Пішчалаўскі замак на сёння — найвялікшая паводле памераў гістарычная пабудова Мінска, помнік архітэктуры.
Пэўны час таму мой сябар, гісторык Эдвард Канановіч на аснове сведчанняў сталых жыхароў Гарадзішча зрабіў сенсацыйную знаходку — надмагільныя пліты Рудольфа і Сафіі Пішчалаў. Дагэтуль лічылася, што ніякай згадкі пра слаўны род Пішчалаў, якія валодалі Гарадзішчам больш за 300 год, не захавалася. Пліты ляжалі ў кучы смецця на глыбіні каля 1 метра. Тут жа трапляліся і чалавечыя парэшткі. У ліпені 2018 года на гэтым месцы прайшлі раскопкі пад кіраўніцтвам знаных археолагаў Сяргея Тарасава і Андрэя Вайцяховіча. На плошчы каля 25 м.кв. былі знойдзены парэшткі 14 чалавек. Цалкам ачышчаная ад смецця і даследаваная сямейная крыпта Пішчалаў.
Нельга сказаць, што Рудольф Пішчала — выбітная гістарычная асоба. Хутчэй гэта асоба, якая застанецца ў гісторыі такім вось цікавым чынам — пабудовай турмы, якая атрымала ў народзе ягонае імя. Аднак знаходка магілы Рудольфа Пішчалы — важная падзея для жыхароў Гарадзішча і аматараў гісторыі Менска.
Надмагільныя пліты былі пачышчаныя, літары абведзеныя (бо немагчыма было нічога прачытаць). Месца добраўпарадкаванае нашымі з Эдвардам сіламі, а поруч пастаўлены валун з гранітнай табліцай — аўтар Ігар Засімовіч.
На фота можна пабачыць пліты ў працэсе даставання з зямлі; працэс раскопак; цяперашні выгляд месца.
11 жніўня а 13:00 адбудзецца перапахаванне, цырымонію правядзе ксёндз Юры Санько. Адразу пасля заезду ў мястэчка ўзірайцеся ў левы бок — там на пагорку стаіць вялікі крыж, гэта і ёсць месца пахавання.
Дабрацца можна на аўто (6 км ад кальцавой, за аўтарынкам «Малінаўка»), маршруткаю www.marshrutka.lpy.by/e/3043-raspisanie-i-shema-marshruta, аўтобусам.
-
У побережья Дании нашли корабль возрастом более 600 лет. Ранее такие видели только на рисунках
-
На уникальный зодиакальный ковш претендовали и литовцы, и россияне. А он оказался из белорусского Славгорода
-
«Бульбяные» — какой бренд погубили! Вот что там готовили и что вспоминали о них Владимир Высоцкий и председатель КГБ
Комментарии