Арганізатары «Каляднага фэсту» падвялі вынікі галасавання за гурт, які выйдзе на сцэну мінскага клуба «Re:Public» 25 снежня.
Сёлета імпрэзу падтрымае каманда «Vodar». Акрамя таго, у лідарах аказалася Патрыцыя Свіціна — яна стане ўдзельніцай «Каляднага фэсту» ў наступным годзе. Трапіла ў тройку пераможцаў і каманда «Ворона». Усе тры гурты атрымаюць падтрымку ў запісе 1-й песні.
Нагадаем, падаць заяўку на ўдзел у фэсце мог любы гурт, стылістычна і моўна каманды не абмяжоўвалі. Адзінае, што падкрэлісвалася: фэст застанецца фолкавым. На другім этапе за бэнды галасавалі партнёры і сябры імпрэзы, вядомыя музыкі, арганізатары фэстаў. Па іх меркаваннях адабралі 10 гуртоў, якія і былі прадстаўленыя на галасаванне слухачоў.
Яно завяршылася 17 снежня. За тройку лідараў прагаласавалі прыкладна па 1 000 чалавек.
«Калядны фэст 2018» пройдзе ў мінскім клубе «Re:Public» 25 снежня. На ім выступяць гурты «Irdorath», «Osimira», «Rokash», «Znich», «Стары Ольса», а таксама каманда «Vodar».
Сейчас читают
«В Витебске заходил в троллейбус и говорил «Слава Украине!». Украинца в 67 лет посадили за комментарии, написанные после гибели крестницы под обстрелом в Киеве99
Комментарии