В Сухарево длинная очередь желающих подписаться за Тихановскую стояла целый вечер ФОТО
Каля гандлёвага цэнтра «Максімус» у мінскім Сухараве цэлы вечар трымалася чарга з 40-60 чалавек, ахвотных паставіць подпіс за Святлану Ціханоўскую. Каб дабыць сваёй чаргі, ім даводзілася чакаць амаль гадзіну.
Паводле назіранняў карэспандэнта «Нашай Нівы», прыкладна палова з людзей, якія стаялі да Ціханоўскай, у працэсе чакання падпісваліся таксама за вылучэнне кандыдатамі ў прэзідэнты Віктара Бабарыкі і Валерыя Цапкалы, стэнды якіх стаялі побач без істотных чэргаў.
Каля недалёкага метро «Каменная Горка» ў гэты час збіралі подпісы за Віктара Бабарыку (сем зборшчыкаў) і Валерыя Цапкалу (чатыры зборшчыкі). Да іх увесь час падыходзілі людзі.
Па стане на 20.00 збор подпісаў за Ціханоўскую каля «Каменнай Горкі» не ажыццяўляўся, хоць і быў анансаваны напярэдадні.
Нагадаем, што сёння з вялікім ажыятажам прайшоў пікет па зборы подпісаў за альтэрнатыўных кандыдатаў на Камароўцы. Чэргі, каб падпісацца, расцягваліся на кіламетр — праз плошчу Якуба Коласа да вуліцы Кульман.
Комментарии