Лукашэнка: Адназначна скарачаем праграмы па культуры, спорце. А са спаржай мы разабраліся
Аляксандр Лукашэнка даручыў накіраваць асноўныя сілы і сродкі на мадэрнізацыю прамысловых прадпрыемстваў Беларусі.Адпаведнае даручэнне ён даў падчас наведвання ААТ «Магілёўдрэў».
«Адназначна мы скарачаем праграмы па культуры, спорце. У нас усё гэта ёсць і ў Мінску і ў абласцях. Мы уціскаем і перакідаем галоўныя намаганні на мадэрнізацыю прамысловасці. У сельскай гаспадарцы ў нас ужо ўсё вызначана, засталося дапрацаваць па нейкіх напрамках, а цяпер трэба пераносіць сродкі на прамысловасць», — заявіў Аляксандр Лукашэнка.
Гаворачы аб мадэрнізацыі дрэваапрацоўчых прадпрыемстваў, Лукашэнка адзначыў, што, нягледзячы на правал гэтай праграмы па тэрмінах рэалізацыі, цяпер усё ж ўзяліся за справу.
«Тое, што адбываецца ў дрэваапрацоўцы — навядзенне жалезнага парадку і па рабочай сіле, і па спецыялістах, і па тэрыторыі, і па мадэрнізацыі — гэта датычыцца ўсіх прадпрыемстваў. Усе павінны працаваць.Зіма, вясна, да лета — ідэальнае прадпрыемства», — запатрабаваў Аляксандр Лукашэнка.
«Мы еўрапейская краіна. Да нас ездзяць людзі. Яны павінны бачыць суперсучасныя, еўрапейскага тыпу прадпрыемства. Гэта датычыцца ўсіх…», — падкрэсліў Лукашэнка.
Ён сказаў, што ў бліжэйшы час мае намер дэталёва азнаёміцца з работай Аршанскага льнокамбіната, камвольнага камбіната ў Мінску і Баранавіцкага баваўнянага аб’яднання. «Гэта той комплекс, які я пагляджу.
На камвольным камбінаце я буду ў бліжэйшы час, а астатнія прадпрыемствы я таксама праеду і пагляджу максімум зімой-увесну.Там павінны быць радыкальныя зрухі», — адзначыў Лукашэнка.
Асобна Аляксандр Лукашэнка спыніўся на пытаннях развіцця льноперапрацоўчых прадпрыемстваў. «Лён мы неяк ужо навучыліся апрацоўваць, хоць пакуль яшчэ і не тая якасць.Але самае галоўнае — гэта перапрацоўка», — сказаў Лукашэнка. Ён адзначыў, што ў Шклове зараз створана сучаснае прадпрыемства ў гэтай сферы, якое ён мае намер наведаць.
Што тычыцца вырошчвання сельгаскультур, Лукашэнка адзначыў, што з пункту гледжання тэхналогій па большасці з іх пытанні вырашаны:«Разабраліся з збожжам (гэта вялікая была праблема), з мукамольнай прамысловасцю, з кукурузай, займаемся новымі рэчамі. Па часныку, цыбулі, гароху, спаржы таксама разабраліся». «…У нас засталася праблема лёну. Яе трэба абавязкова вырашыць У гэтай пяцігодцы мы павінны гэта зрабіць», — сказаў Лукашэнка.
Каментары