Пачатак а 17-й гадзіне.
18 лютага а 17-й гадзіне Дзяржаўны літаратурны музей Янкі Купалы запрашае на прэзентацыю кнігі «PROGLAS» і адкрыццё выставы працаў славацкага мастака-скульптара Людмілы Цвенграшовай (з асабістай калекцыі Надзвычайнага і Паўнамоцнага Пасла Славацкай Рэспублікі ў Рэспубліцы Беларусь Марыяна Сэрваткі), прымеркаванай да 1150-годдзя прыхода Св. Кірыла і Мяфодзія ў Вялікую Маравію.
«Проглас» — першаяславянская паэма, створаная Канстанцінам Філосафам (Св. Кірылам) як прадмова да першай славянскай Бібліі, дзякуючы якой стараславянская мова стала яшчэ адной літургічнай мовай хрысціянства.
«Проглас» — вялікі твор ІХ стагоддзя, напісаны глаголіцай, якую вынайшаў Канстанцін Філосаф, аднолькава значны ў ХХІ стагоддзі, бо славіць вечнае святло, Хрыста, які прыходзіць, каб «з’яднаць народы». Падчас імпрэзы ўпершыню «Проглас» загучыць на беларускай мове, вершаваны пераклад якога зрабіў бард Алесь Камоцкі.
Больш за тысячу гадоў твор прыцягвае ўвагу навукоўцаў, натхняе мастакоў, пісьменнікаў і музыкантаў. Член Саюза славацкіх мастакоў, уладальнік Ордэна Людавіта Штура за дасягненні ў вобласці мастацтва Людміла Цвенграшова праз сваю творчасць набліжае грамадству этапы гісторыі Славакіі ў серыі малюнкаў і медалёў. Прыход Кірылы і Мяфодзія ў Вялікую Маравію адлюстраваны на керамічных работах скульптара, эксклюзіўнае экспанаванне якіх адбудзецца падчас імпрэзы.
Туск заявіў пра гатоўнасць адкрыць Баброўнікі і Кузніцу з лістапада55
Каментары