Цясак быў арыштаваны ў Расіі завочна, бо знаходзіцца ў Беларусі: «Бацька не выдасць»
Маскоўскі суд завочна арыштаваў рускага нацыяналіста Максіма Марцінкевіча па мянушцы Цясак.
Марцінкевіча падазраюць у распальванні нянавісці ці варожасці паводле нацыянальнай прыкметы на аснове відэаролікаў, якія ён размяшчаў у сацыяльных сетках. Сярод іншага, там быў ролік з катаваннямі і расчляненнем таджыка.
Сам нацыяналіст, як мяркуецца, знаходзіцца ў Беларусі.
На сваёй старонцы «Укантакце» Цясак напісаў: «Добра, што я хоць падпіску аб нявыездзе не парушаў… аахахаха, я ж не ў Раісе [маецца на ўвазе Расія, ад мема «Раісся вперде» — «НН»] быў)))
Так што з Беларусі ні нагой цяпер, Бацька не выдасць, свіння не з'есць!»
Сёлета Цесака арыштоўвалі ў Беларусі за бойку з антыфашыстамі, але адпусцілі з СІЗА праз 10 сутак.
Палякі купляюць дамы ў Беларусі — цікавяцца, ці хопіць на жыццё еўрапейскай пенсіі, і радуюцца смешным выдаткам9
Каментары