Лідар партыі «УДАР» Віталь Клічко пайшоў у Адміністрацыю прэзідэнта Украіны, каб сустрэцца з Віктарам Януковічам. Пра гэта «Украінскай праўдзе» паведамілі ў прэс-службе палітыка.
Клічко пайшоў да Януковіча, каб паспрабаваць «спыніць гвалт і супрацьстаянне ў Кіеве і па ўсёй краіне».
«Тое, што адбылося ўчора, пасяджэнне гэтай групы, то яна створаная не для перамоваў, а для зацягвання часу, і мы ў ёй удзельнічаць не будзем», — заявіла прэс-сакратар Клічка Аксана Зіноўева.
Паводле яе слоў, Клічко пайшоў у АП, бо «сёння адзіны чалавек, ад якога ўсё залежыць, можа спыніць гвалт».
Яна запэўніла, што ніякіх дамоўленасцяў аб сустрэчы паміж Клічко і Януковічам не было.
Клічко ўжо праводзіў сустрэчу з Януковічам у нядзелю ў Міжгор'і, калі ў Кіеве пачаліся сілавыя сутыкненні пратэстоўцаў і міліцыі.
Цяпер чытаюць
«Размаўляў увесь час па-беларуску». Павел Севярынец запісаў свой першы зварот пасля вызвалення14
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher44
Каментары