Новы міністр абароны Украіны Валерый Гелятэй падпісаў сёння прысягу закрытай каўпачком асадкай. Вось фота:
Гелятэй паабяцаў аднавіць тэрытарыяльную цэласнасць краіны і правесці «парад перамогі» ў Крыме.
«Я перакананы, што Украіна пераможа, і паверце мне, што парад перамогі будзе, абавязкова будзе ва ўкраінскім Севастопалі», — сказаў Гелятэй падчас выступу перад членамі парламента.
Гэтыя словы 46-гадовага генерал-палкоўніка выклікалі бурныя апладысменты парламентарыяў.
Кандыдатуру Гелятэя вылучыў і асабіста прадставіў у Радзе прэзідэнт Пятро Парашэнка.
«Арміі патрэбны кіраўнік, які пачне неадкладныя рэформы. Арміі патрэбны новы камандуючы, які не толькі вучыўся ваяваць, але і ваяваў сам. Я ўпэўнены, што генерал-палкоўнік Гелятэй апраўдае ваш давер», - заявіў прэзідэнт Украіны.
Перад гэтым дэпутаты звольнілі з пасады в. а. міністра абароны Міхаіла Коваля. За такое рашэнне прагаласавалі 327 дэпутатаў Рады.
Пятро Парашэнка паведаміў, што прызначае Коваля намеснікам сакратара Рады нацыянальнай бяспекі і абароны (РНБА) Украіны.
Цяпер чытаюць
Яраслаў Раманчук дае прагноз, калі скончыцца вайна. І расказвае, чым цяпер займаецца і як яго шакавалі заявы Бабарыкі5
Каментары