Беларусь з 2018 года плануе адмовіцца ад імпарту электраэнергіі
Пра гэта заявіў начальнік упраўлення энергаэфектыўнасці Міністэрства энергетыкі Беларусі Міхаіл Малашэнка.
Гэта будзе звязана з уводам у эксплуатацыю Беларускай АЭС.
Увод БелАЭС прывядзе да загрузкі найбольш эфектыўнага абсталявання энергасістэмы з меншым удзельным расходам на выпрацоўку электрычнай энергіі. Міхаіл Малашэнка адзначыў, што ўдзельны расход па новых блоках і існуючых блоках кандэнсацыйных станцый на выпрацоўку электраэнергіі адрозніваецца прыкладна на 30 працэнтаў. Сабекошт кілават у гадзіну на Беларускай АЭС будзе істотна ніжэйшым, чым той, што выпрацоўваецца ў краіне цяпер.
Кіраўнік упраўлення звярнуў увагу, што пасля пуску Беларускай АЭС можна будзе пастаўляць электраэнергію ў краіны блізкага і далёкага замежжа.
«Гэта паўплывае на сабекошт канечнага прадукту (электраэнергіі. — Заўвага БелТА) для спажыўцоў Беларусі, яны толькі выйграюць незалежна ад таго, будзе гэта рэальны сектар эканомікі ці фізічныя асобы», — рэзюмаваў Міхаіл Малашэнка.
Як паведамлялася, Беларусь папярэдне плануе ў 2015 годзе імпартаваць каля 2,5 млрд. кВт.гадз электраэнергіі. Рэспубліка кожны год зніжае імпарт электраэнергіі. У 2014 годзе ў параўнанні з 2012 годам аб'ёмы, што закупляюцца звонку, знізіліся амаль у два разы.
Беларуская АЭС — праект па будаўніцтве атамнай электрастанцыі тыпу АЭС-2006, які рэалізуецца за 18 км ад Астраўца (Гродзенская вобласць). БелАЭС будзе складацца з двух энергаблокаў сумарнай магутнасцю да 2400 (2х1200) МВт. Генеральным праекціроўшчыкам і генеральным падрадчыкам з'яўляецца аб'яднаная расійская кампанія ААТ «НІАЭП» — ЗАТ «АБЭ». У адпаведнасці з генеральным кантрактам на будаўніцтва станцыі першы энергаблок плануецца ўвесці ў эксплуатацыю ў 2018 годзе, другі — у 2020 годзе.
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі ВІДЭА117
Аляксандр Лукашэнка так ляснуўся на лёд на хакеі, што трыбуны замерлі ВІДЭА
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары