Адкрытую дэманстрацыю тытунёвых вырабаў у 2015 годзе плануецца забараніць у Беларусі. Паводле інфармацыі, пакет дакументаў, які прадугледжвае ў тым ліку гэта рашэнне, знаходзіцца ў Савеце міністраў.
У выпадку калі падрыхтаванае рашэнне будзе прынята, прысутнасць тытунёвых вырабаў на паліцах крамаў карэнным чынам зменіцца.
«У выпадку ўвядзення забароны на адкрытую дэманстрацыю тытунёвых вырабаў каля касы будзе знаходзіцца толькі прэйскурант з пералікам цыгарэт, якія ў продажы», — растлумачыў адзін з удзельнікаў тытунёвага рынку.
Ён адзначыў, што такая сітуацыя створыць нязручнасці як для гандлёвага персаналу, так і для пакупнікоў.
«Гэта напэўна выкліча незадаволенасць спажыўцоў, павысіць нервовасць і можа прывесці да канфліктных сітуацый. Чарга каля кас гандлёвых арганізацый будзе рухацца пасля гэтага больш павольна. Спачатку пакупнікам давядзецца доўга вывучаць прэйскурант, потым удакладняць наяўнасць у продажы патрэбнай маркі цыгарэт. Усё гэта прывядзе да таго, што абслугоўванне пакупнікоў у магазінах замарудзіцца», — мяркуе суразмоўца.
Акрамя гэтага, адзначаюць назіральнікі, гэта прывядзе да таго, што будзе цяжэйшым вывад на рынак новых марак цыгарэт.
«Спажывец будзе купляць маркі, якія курыць ці памятае. Вывесці на рынак цыгарэты іншага фармату ці іншай маркі стане амаль немагчыма. Калі ў прэйскуранце з'явіцца радок пра новую марку цыгарэт, гэта практычна ніяк не паўплывае на яе пазнавальнасць спажыўцом», — адзначыў удзельнік тытунёвага рынку.
Пры гэтым узрастуць рызыкі, звязаныя з нелегальным гандлем, бо будзе страчаны элемент празрыстасці, бо тавар будзе цалкам схаваны ад назірання, рэзюмаваў суразмоўца.
Цяпер чытаюць
Што вядома пра затрыманых радыёаматараў, якім пагражае аж да расстрэлу5
Каментары