Не думаў, што мне давядзецца бараніць Паўла Севярынца, піша ў сябе ў фэйсбуку Стась Карпаў.
Калі шчыра, я ніколі не думаў, што буду адвакатам Паўла Севярынца, адвакатам «гамафобіі» і усяго такога. Але, паколькі ў мяне тут адбылася вочна-завочная спрэчка па тэме, я выкажуся яшчэ разок.
Не ведаю, як у нашай суполцы ваяроў за свабоду слова мусіць выказвацца чалавек, каб яму не прылятала.
І я не ведаю, чаму, калі чалавек выказвае сваё меркаванне — на яго меркаванне адразу напяльваюць футра пад назвай «прымушае», боцікі пад назвай «не дазваляе», шапачку пад назвай «дыскрымінуе» і вось такую страшную пачварку выпускаюць на вуліцу пагуляць, каб пасля надаваць ёй падсрачнікаў.
Севярынец даў інтэрв'ю на дзве гадзіны. Там ён расказаў шмат пра што. І шмат з чым можна было б паспрачацца. Напрыклад, з яго разуменнем беларусаў, з ягоным разуменнем Зянона, з ягоным разуменнем Ціханоўскай, з разуменнем цноты і аскезы, рэлігійнасці і беларускасці. Але зацікавіла ўсіх толькі ягоная асабістая (асабістая!) пазіцыя наконт гей-парадаў.
У яго не пыталі, што ён думае пра права геяў на тое, каб быць, на права на сумесную гаспадарку, на шлюб, на агульную маёмасць, на права расціць дзяцей.
Яго спыталі пра гей-парады. І ён сказаў, што супраць гей-парадаў. І вы засмуціліся.
Скажыце, вы б хацелі каб ён сп****еў вам пра сваё стаўленне да гей-парадаў? А пра што яшчэ? Пра Пазняка? Пра Ціханоўскую? Каб ён п****еў усё інтэрв'ю цалкам?
Я, дарэчы, прапусціў той момант, калі у чалавека з'явіўся абавязак любіць геяў і спачуваць геям? Гэта запісана ў генецічаскім кодзе, у канстытуцыі, на нейкіх скрыжалях? Дзе гэта запісана? Назавіце мне месца, каб я пачытаў.
Якімі больш мягенькімі словамі чалавек можа сказаць, што ён супраць гей-парадаў? Ці чалавек не можа быць супраць гей-парадаў? Ці Севярынец — адзіны чалавек (з некалькіх мільярдаў людзей, каторыя супраць гей парадаў), які не можа быць супраць гей-парадаў?
Вы правялі дах** гей-парадаў і цяпер з выхадам Севярынца лавачка прыкрылася?
Я, напрыклад, наогул супраць парадаў. Любых парадаў. Ці павінен я атрымаць промні нянавісці ад геяў з аднаго боку і ад танкістаў — з іншага?
Я лічу рэлігійнасць заганай свядомасці. Мне можна такое казаць?
Я не заклікаю лячыць рэлігійных людзей. Я за права рэлігійных людзей ствараць сем'і і расціць дзяцей. Праўда, мне не падабаюцца хросныя хады. І рэзанне бараноў на вуліцах. Я б не быў супраць, калі б ніколі гэтага не бачыў.
Мне такое можна казаць? Ці мне такое не можна казаць? Мне казаць такое, што вы лічыце цывілізаваным і перадавым? А калі ваш набор правільнага зменіцца — дзе можна пачытаць спіс зацверджанага, каб не адставаць ад трэндаў?
Ау. Дзе пачытаць?
Чаховіч адказаў Севярынцу: Гамафобія — прадукт лагернага мыслення homo sovieticus, а не хрысціянская каштоўнасць
Гурневіч адказаў Чаховічу: Я не пачуў ад Севярынца заклікаў ненавідзець
«Ток» з Севярынцам: пра знаёмства з Ціханоўскім, прыход Калеснікавай, стаўленне да Бабарыкі і прэтэнзіі Зянона Пазняка
Севярынец: Тая лінія, якую вядзе Бабарыка — гэта не маё. А з Калеснікавай можа вырасці класны беларускі палітык
Каментары