Украінскі эканаміст Сяргей Аляксашанка аналізуе план мільярдэра Джорджа Сораса што да Украіны.
Джордж Сорас, адзін з найбольш актыўных мільярдэраў, выступіў на гэтым тыдні з прапановай заходнім краінам даць дапамогу Украіне ў суме 50 мільярдаў даляраў. На думку філантропа, еўрапейскія лідэры ставяцца да Украіны проста як да чарговай краіны, якой патрэбная фінансавая дапамога, не ўсведамляючы, што крызіс на ўсходняй мяжы ЕЗ уяўляе рэальную небяспеку для выжывання Еўразвязу.
Ці гатовы захад даць такія грошы? Прапанову Сораса «Голас Амерыкі» папрасіў пракаментаваць эканаміста Сяргея Аляксашанку.
«Ці могуць 50 мільярдаў даляраў выратаваць Украіну? Я думаю, што так. Сёння гаворка ідзе пра тое, каб вылучыць Украіне адзін мільярд, два мільярды - я думаю, што гэта наўрад ці згуляе істотную ролю, таму што праблемы Украіны значна больш істотныя, патрэбен поўнамаштабны план, разлічаны на 3-4 гады, пры жорсткім удзеле заходніх фінансавых арганізацый у рэалізацыі рэформаў. І Украіна павінна разумець, што пад гэтыя планы ёсць істотная фінансавая падтрымка. Я думаю, што планка Сораса яна больш інтуітыўная - але парадак лічбаў, напэўна, прыкладна такі. Ці гатовы захад? Паводле стану на вясну мінулага года, калі ВМФ прымаў пастановы аб 17 мільярдах крэдыту - 17 мільярдаў ад МВФ і 18 мільярдаў ад урадаў і міжнародных арганізацый - сума была блізкая, але прайшоў год - за гэты час Украіна зазнала агрэсію ад Расеі, праблемы Украіны абцяжараныя - і сёння трэба казаць аб новым пакеце дапамогі. Мне здаецца, захад яшчэ да гэтага не гатовы», - заявіў эканаміст.
Хто тая Аліна, з якой Лукашэнка танцаваў гэтым разам на навагоднім балі18
Каментары