З 9:25 раніцы 10 лютага абаненты velcom мелі праблемы з доступам да інтэрнэту і іншых паслуг. Аператар абяцае кампенсаваць нязручнасці.
«На жаль, вырашэнне заняла больш часу, чым чакалася, у сілу складанасці дыягностыкі сістэм, якія адказваюць за прадастаўленне сэрвісаў абанентам, у прыватнасці канфігурацый праграмнага забеспячэння Firewall, дзе быў выяўлены збой», — пракаментаваў Гельмут Дуз, генеральны дырэктар velcom.
Ад ранку ў абанентаў velcom узнікалі праблемы з доступам да інтэрнэту, а таксама паслугамі па USSD-кодах. Сайт аператара быў часова недасяжны. З 15:30 пачалося паэтапнае падключэнне да паслугі перадачы звестак. Тэхнічныя спецыялісты velcom працягваюць маніторынг працы сеткі.
«Мы прыносім прабачэнні ўсім кліентам, якія сутыкнуліся з дадзенай праблемай.
Абаненцкая плата карыстальнікам па прадуктах з мабільным інтэрнэтам за сённяшні дзень будзе вернутая»,
— абяцае Дуз.
Акрамя таго, аператар абяцае прадстаўляць інфармацыю пра знойдзеныя прычыны інцыдэнту і меры па прадухіленні яго паўтарэння.
Цяпер чытаюць
У загінулай у Сляпянцы дзяўчыне апазналі Яну Кастранкову2
Каментары