Трэба ўзняцца і працягнуць барацьбу — галоўны трэнер зборнай Беларусі пасля паразы ад Расіі
Пра гэта галоўны трэнер зборнай Беларусі Дэйв Льюіс сказаў на прэс-канферэнцыі пасля матчу Беларусь — Расія (0:7).
«Я сказаў хлопцам, што кожная каманда і кожны хакеіст калісьці могуць сутыкнуцца з паразай. Ніхто ад гэтага не застрахаваны. Усё пытанне ў тым, як рэагаваць на паразу. Важна трымаць удар, узняцца і працягнуць барацьбу. Мы ўсё яшчэ ў гульні!»
— Здараецца, буйныя паразы заводзяць каманду. Верыце ў тое, што зараз будзе так?
— Змагу адказаць на пытанне пасля наступнага матчу. Зараз я бачу, што хлопцы ўсвядомілі тое, што адбылося. Паглядзім, як яны змогуць выстаяць і адрэагаваць на яго.
Таксама Льюіс сказаў, што галкіпер зборнай Кевін Лаланд атрымаў невялікае пашкоджанне.
«У Кевіна невялікае пашкоджанне. Мы зробім медыцынскае абследаванне і паглядзім што будзе далей», — сказаў ён.
Каментары