Жанчына, якая зарэгістравала шлюб 17-гадовай Хеды (Луізы) Гайлабіевай і 46-гадовага начальніка Нажай-Юртаўскага РАУС Нажуда Гучыгава выявілася чачэнскай журналісткай, піша ў фэйсбуку карэспандэнт часопіса «Коммерсант-Власть» Лізавета Сурначова.
Паводле яе слоў, у ролі супрацоўніцы ЗАГСа выступіла журналістка радыё «Грозны» Ася Бялова.
У сваім інстаграме Бялова не пацвердзіла і не абвергла інфармацыю аб тым, што яна з'яўляецца супрацоўніцай ЗАГСа.
Шлюб Гайлабіевай і Гучыгава быў зарэгістраваны ў Грозненскім ЗАГСе напярэдадні.
У канцы красавіка «Новая газета» са спасылкай на аднавяскоўцаў дзяўчыны паведаміла, што яе прымушаюць да шлюбу, а кіраўнік паліцыі Нажай-Юртаўскага раёна нібыта пагражае яе сваякам і выставіў у вёсцы патрулі. Улады Чачні гэта абверглі, а на мясцовым тэлебачанні выйшаў сюжэт, у якім Гайлабіева кажа, што выходзіць замуж за Гучыгава па ўласным жаданні.
Цяпер чытаюць
«Хачу ўзяць інтэрв’ю» — «Не» — «Давайце я вас сфатаграфую» — «Не». Бяляцкі расказаў пра сустрэчу ў калоніі з Пратасевічам4
Каментары