«Не карыстаюцца попытам». Пасля скаргаў людзей антыўкраінскія кнігі прыбралі з паліц «Цэнтральнай кнігарні»
Дырэктарка мінскай Цэнтральнай кнігарні паведаміла Свабодзе, што антыўкраінскую літаратуру вярнулі выдаўцам. Прычына — у Беларусі яна не карыстаецца попытам.
Дырэктарка кнігарні распавяла, што часам кнігі яны замаўляюць самі, часцяком выдавецтвы дасылаюць свае навінкі. А там пазначана толькі назва, саму кнігу прадаўцы бачаць ужо ў краме:
«Так было і з літаратурай па ўкраінскай тэматыцы. Яна прыйшла да нас, пастаяла на паліцы, і мы яе вярнулі — гэтая тэматыка не карыстаецца попытам.
Што да Эдуарда Лімонава, то звычайна ягоныя кнігі карысталіся попытам. А вось «Киев капут. Яростная книга» не пайшла, і мы яе вярнулі. Часцяком аўтары спрабуюць на гучных назвах зарабляць грошы. Сама кніга пустая, а назва інтрыгуе. Але кніга не карысталася попытам у беларускіх чытачоў.
Дарэчы, што да кніг, фота якіх з'явіліся ў інтэрнэце. Яны стаялі ў вельмі далёкім куце. Чалавек іх выставіў, склаў у стос і сфатаграфаваў, прадставіўшы, што мы прапагандуем такую літаратуру.
Я хачу запэўніць яшчэ раз: мы не прапагандуем такія кнігі. І ўжо вярнулі іх выдаўцам».
Цяпер чытаюць
Уводзяць адказнасць за прапаганду гомасэксуальнасці, бяздзетнасці, а таксама за незаконнае прадстаўленне Беларусі на міжнароднай арэне28
Каментары