Прэзідэнт Украіны Пятро Парашэнка даручыў сваім прадстаўнікам ў Кантактнай групе падпісаць пагадненне аб 30-кіламетровай буфернай зоне ў Данбасе. Пра гэта ён заявіў падчас свайго візіту ў Луганскую вобласць.
«Я ўнёс і даручыў нашым прадстаўнікам (у Кантактнай групе) падпісаць з АБСЕ і РФ пагадненне, якое будзе гарантаваць 30-кіламетровую буферную зону ў зоне судакранання — адвесці танкі, артылерыю, і зрабіць так, каб у Севераданецку, Лісічанску, Папаснай не было чуваць кананад», — сказаў ён.
Па словах Парашэнкі, 21 ліпеня ў Мінску «ўдалося дасягнуць гэтых дамоўленасцей». Прэзідэнт разлічвае, што «праз некалькі дзён пачнецца адвод узбраенняў пад кантролем АБСЕ».
«Я вельмі спадзяюся, што гэта рэальны пачатак рэальнага спынення агню, вызваленне закладнікаў і забеспячэнне кантролю над захаваннем міру», — дадаў Парашэнка.
Цяпер чытаюць
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары