У брусэльскім Маленбеку ў ходзе паліцэйскага рэйду пачалася перастрэлка, на месцы чутныя выбухі і стрэлы, паведамляе RTL.
Бельгійскі журналіст Ніка Кардон паведамляе ў сваім твітары, што паліцыя праз мегафон вядзе перамовы з чалавекам па імені Махамед.
Бургамістр Маленбека Франсуаза Скепманс заявіла, што ў рамках паліцэйскага рэйду для таго, каб эвакуяваць квартал, былі выкарыстаныя петарды, перадае бельгійская радыёстанцыя RTL. Іх гукі былі падобныя на стральбу і стрэлы. Пры гэтым быў затрыманы падазраваны ў датычнасці да тэрактаў у Парыжы Салах Абдэсалам, паведамляе RTL. Для затрымання паліцыя ўжыла слёзацечны газ.
Французскае следства ўстанавіла імя чацвёртага тэрарыста-смяротніка, датычнага да тэрактаў у Парыжы.
Самі Амур 1987 года нараджэння пражываў з сям'ёй у прыгарадзе французскай сталіцы Бабіньі. Паводле інфармацыі яго родных, два гады таму ён адправіўся ў Сірыю.
Падчас ператрусаў у Ліёне французскія паліцэйскія выявілі пераносную ракетную пускавую ўстаноўку і іншую зброю.
Затрыманыя яшчэ пяць падазраваных у арганізацыі тэрактаў. Каля 150 паліцэйскіх спецаперацый у рамках надзвычайнага становішча, уведзенага ў Францыі, прайшлі таксама у Бабіньі, Тулузе, Грэноблі і іншых гарадах.
У мінулым месяцы ў Вялікабрытаніі была прадухілена тэрарыстычная атака, паведамляе Reuters са спасылкай на крыніцы, блізкія да брытанскага прэм'ер-міністра Дэвіда Кэмерана.
Адзін падазраваны ў датычнасці да тэрарыстычных нападаў у Парыжы прыбыў у Турцыю ў 2013 годзе, дадзеных аб яго ад'ездзе няма, паведамляе Reuters са спасылкай на крыніцы.
Па дадзеных агенцтва, турэцкія ўлады двойчы паведамлялі Францыі аб падазраваным тэрарысце — у снежні 2014 і ў чэрвені 2015 года.
Кіраўнік МЗС ФРГ Франк-Вальтэр Штайнмаер перасцярог ад неабдуманых ваенных дзеянняў у адказ на тэракты ў Парыжы.
У барацьбе з тэрарыстычнай групоўкай «Ісламская дзяржава» патрабуюцца выразна спланаваныя дзеянні некалькіх краін, заявіў міністр у інтэрв'ю нямецкаму выданню Spiegel Online.
Па словах Штайнмаера, неабходна актывізаваць аб'яднаныя намаганні ў пошуку палітычнага вырашэння сірыйскага крызісу.
***
Дарэчы, а 12-й паводле сярэднееўрапейскага часу па ўсёй тэрыторыі ЕС прайшла хвіліна маўчання. На плошчы Рэспублікі ў Парыжы пасля хвіліны маўчання людзі спявалі «Марсельезу».
Цяпер чытаюць
Уводзяць адказнасць за прапаганду гомасэксуальнасці, бяздзетнасці, а таксама за незаконнае прадстаўленне Беларусі на міжнароднай арэне13
Каментары