Дзяніс Шунто, які валодае 85% футбольнага клуба «Крумкачы», сёння даў інтэрв’ю газеце «Прессбол». Сярод іншага ён расказаў, што на сённяшні момант уклаў у каманду 152 тысячы даляраў, а яшчэ 40 тысяч вінен.
Ніколі не шкадавалі пра гэтыя грошы, спытаўся журналіст. «Не. Ну, кватэру мог бы купіць, калі б не футбол. У мяне няма жылля ў Мінску. Дзве кватэры ў Смалявічах — у адной мама жыве, другую здаем. А ў Мінску з братам жывём на здымных. У мяне і машыны няма. Я не аўтааматар. Заўзяты пешаход. Як часта жартую, адзіны гаспадар клуба, які ездзіць у федэрацыю на тралейбусе. Футбалісты смяюцца, асабліва калі падвозяць мяне дадому».
Летась Шунто рэгулярна выходзіў у складзе «Крумкачоў» у матчах другой лігі. Сёлета ж у першай лізе на полі ён з’явіўся толькі два разы.
Нагадаем, што сёлета футбольны клуб «Крумкачы» выйшаў у вышэйшую лігу чэмпіянату Беларусі.
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім15
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3333
Каментары