Кіраўніку Рады Згуртаваньня беларусаў сьвету мастаку Марачкіну далі 5 сутак
«А ня трэба было лаяцца матам каля Цэнтральнага РУУС сталіцы», кажуць сьведкі.
Аляксей Марачкін асуджаны паводле арт. 17-1 Адміністрацыйнага кодэксу. Аказваецца, паводле сьведкаў, мастак лаяўся матам каля Цэнтральнага РУУСу сталіцы.
***
ЗАЯВА
Управа МГА «Згуртаванне беларусаў свету «Бацькаўшчына» выказвае абурэнне затрыманнем і асуджэннем на пяць сутак адміністрацыйнага арышту кіраўніка Згуртавання Аляксея Марачкіна. Ён быў затрыманы ва ўласнай майстэрні напярэдадні Дня Волі, 24 сакавіка, увечары.
Вядомага мастака, грамадскага дзеяча, аднаго з ветэранаў адраджэнскага руху ў Беларусі абвінавачваюць у лаянцы каля будынку Цэнтральнага РАУС г.Мінска.
Расцэньваем гэтыя дзеянні як парушэнні маральных і юрыдычных нормаў і патрабуем неадкладна вызваліць Аляксея Марачкіна.
Управа МГА «ЗБС «Бацькаўшчына»
* * *
Пад дзясятую вечара ў майстэрню мастака, кіраўніка МГА "Згуртаваньне беларусаў сьвету "Бацькаўшчына" Аляксея Марачкіна ўваліліся амапаўцы.
Яны забралі некалькі дзясяткаў расьцяжак, падрыхтаваных да Дня Волі, а самога мастака арыштавалі. Пра гэта паведаміла www.nn.by старшыня ўправы "Бацькаўшчыны" Алена Макоўская.
Ноч Аляксей Марачкін правёў у спэцпрыёмніку-разьмеркавальніку на Акрэсьціна.
Каментары