Сёння ў Буркіна-Фасо (колісь называлася Верхняй Вольтай) адбываюцца выбары. Гэта першае ў гісторыі краіны цалкам свабоднае выяўленне волі.
Выбары праводзяцца пад міжнародным кантролем пасля адхілення ад улады доўгачасовага лідара краіны Блеза Кампаарэ, які кіраваў 27 гадоў, пасля таго як забіў свайго папярэдніка, Тамаса Санкару.
У пераходны перыяд краінай кіраваў пераходны ўрад, сфарміраваны грамадзянскай супольнасцю, царквой і вайскоўцамі.
Выбары павінны былі адбыцца 11 кастрычніка, але іх прыйшлося перанесці ў сувязі са спробай путчу, зладжанай Службай аховы былога прэзідэнта. Пераварот сарваўся, бо армія не падтрымала ахоўнікаў. Прэзідэнцкую гвардыю распусцілі.
Буркіна-Фасо — адна з самых бедных краін свету. Аднак побач з ёй ёсць і гісторыі поспеху. Гана стала адной з развітых краін Афрыкі, у краіне трымаецца дэмакратыя. На дэмакратычны шлях развіцця ўстаў у Кот-д'Івуар, які перажыў пяць гадоў бурнага эканамічнага росту.
На пасаду прэзідэнта Буркіна-Фасо прэтэндуюць былы прэм'ер часоў Кампаарэ і былы топ-менеджар рэгіянальнай філіі французскай атамнай кампаніі «Арэва».
Дык усё ж ці бяспечны Telegram і для якіх мэтаў бяспечны? Вось што ясна на сёння11
Дык усё ж ці бяспечны Telegram і для якіх мэтаў бяспечны? Вось што ясна на сёння
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары