Роўна на Новы год у Дубаі згарэў 63-павярховы гатэль ФОТА, ВІДЭА
Ніхто не загінуў, усіх эвакуявалі, але агонь ахапіў увесь будынак. А людзі навокал спачатку думалі, што гэта мегафеерверк. 16 чалавек было паранена.
У дубайскім гатэлі Address Hotel Downtown успыхнуў пажар. Аб прычыне пажару, які ахапіў хмарачос амаль цалкам, пакуль нічога не вядома.
Гатэль добра бачны з адной з плошчаў горада. Сацсеткі запоўненыя фота і відэа з месца падзей. На месцы працуюць пажарныя.
Відавочцы паведамляюць аб ахопленых агнём абломках, якія падаюць на прылеглыя да гатэля вуліцы і суседнія будынкі.
Гатэль размяшчаецца паблізу ад месца, дзе праз дзве гадзіны павінен пачацца маштабны навагодні феерверк.
Як паведамілі ў муніцыпалітэце эмірацкага мегаполіса, пажарныя каманды ўжо прыбылі на месца здарэння і пачалі тушыць пажар.
Усе пастаяльцы гатэля эвакуяваныя, паведамілі ва Упраўленні грамадзянскай абароны эмірата. Па дадзеных экстраных службаў, на месцы здарэння працуюць тры пажарныя каманды.
Працу ратавальнікаў ўскладняе тое, што ў раёне пажару сабраліся дзясяткі тысяч адпачывальнікаў. Гатэль размешчаны проста насупраць самага высокага ў свеце будынка Burj Khalifa, побач з якім жыхары і госці Аб'яднаных Арабскіх Эміратаў (ААЭ) традыцыйна сустракаюць Новы год.
Як падкрэслілі ў МУС ААЭ, у выніку пажару ніхто не пацярпеў. У муніцыпалітэце Дубая таксама заявілі, што пагрозы для адпачывальнікаў няма і святкаванне Новага года будзе праходзіць паводле плана.
Цяпер чытаюць
Беларус набыў кватэру ў Іспаніі, але яе занялі акупасы. Цяпер ён не можа яе вярнуць23
Каментары