Урад Турцыі дасць бясплатны доступ да інтэрнэту для сем'яў з мінімальным дастаткам. Як паведаміла газета «ХаберЦюрк», з адпаведнай ініцыятывай выступіла Міністэрства па справах сям'і і сацыяльнай палітыкі.
Як заявіла кіраўнік ведамства Сема Рамазанаглу, у бліжэйшыя дні праект «Бясплатны інтэрнэт для бедных сем'яў» будзе аформлены заканадаўча. Адной з яго мэтаў з'яўляецца падтрымка планаў урада па максімальным распаўсюджванні доступу да сеціва ў рэспубліцы, а таксама па прыцягненні да карыстання інтэрнэтам жанчын і дзяцей.
Па словах Рамазанаглу, бясплатны доступ да сусветнага павуціння будзе давацца сем'ям, чый даход ніжэйшы за пэўную мінімальную планку. Цэны на сувязь у Турцыі адносна высокія. За параўнальна хуткі доступ па кабелі прыйдзецца плаціць каля $30-50 у месяц. Для сем'яў з маленькім прыбыткам такія выдаткі часцяком выключаныя.
«Таксама мы будзем забяспечваць гэтыя сем'і планшэтнымі або настольнымі камп'ютарамі. Мы хочам, каб дзякуючы гэтаму праекту ў дзяцей знікла звычка знікаць у інтэрнэт-кафэ. Вельмі многія дзеці з-за гэтага не знаходзяцца дома, ідуць у гэтыя кафэ, пачынаюць паліць, прымаць алкаголь і наркотыкі», — сказала міністр.
Акрамя тэхнічнага прадастаўлення доступу да сеціва міністэрства плануе засцерагчы дзяцей ад непажаданых матэрыялаў, якія яны могуць там знайсці. Для гэтага на ўзроўні правайдэраў будзе ўводзіцца фільтраванне ўсіх злучэнняў карыстальнікаў. Ці будзе гэтая мера прымусовай для сем'яў, якія карыстаюцца ўмовамі праекта, пакуль не ўдакладняецца. Па змаўчанні ніякай фільтрацыі трафіку, акрамя забароненых па рашэнні суда сайтаў, правайдэр не ажыццяўляе. Але кожны карыстальнік можа абраць у агульных наладах свайго злучэння на партале правайдэра адзін з некалькіх фільтраў. Некаторыя абаненты карыстаюцца гэтай паслугай, каб засцерагчы сваіх дзяцей ад непажаданых рэсурсаў.
Цяпер чытаюць
Фатограф-агент з двума пашпартамі здымае беларусаў і іх мерапрыемствы ў Варшаве4
Каментары