Блогер Чудзянцоў перадаваў Аватараву $100 для дапамогі беларускім добраахвотнікам ва Украіне
20 красавіка ў судзе Фрунзенскага раёна на працэсе па справе Тараса Аватарава быў дапытаны беларускі блогер і журналіст Уладзімір Чудзянцоў.
Як высветлілася, ён пазнаёміўся з абвінавачваным, які меў як мінімум тры сеткавыя імені, у сацыяльных сетках у сакавіку 2014 года, перапісваліся.
«Гаварылі пра палітыку, пра Украіну. Ён хацеў стварыць лётную школу, вучыць лётчыкаў. Казаў, што працаваў у дзяржструктурах, у ААЦ», — расказаў Чудзянцоў.
Асабіста ён з Аватаравым сустрэўся на мінскім чыгуначным вакзале ў верасні 2015 года. Паводле слоў Чудзянцова, абвінавачваны відавочна быў паранены, кульгаў. Пра тое, што ў яго асколачнае раненне, Аватараў расказаў Чудзянцову пазней у сетцы.
Таксама праз сацсеткі Аватараў пацікавіўся, ці можа Чудзянцоў аказаць матэрыяльную дапамогу добраахвотнікам ва Украіне. Блогер пагадзіўся і перадаў абвінавачванаму пры асабістай сустрэчы 100 даляраў. Пазней праз інтэрнэт Аватараў даў справаздачу аб расходаванні атрыманых грошай.
Цяпер чытаюць
Што вядома пра затрыманых радыёаматараў, якім пагражае аж да расстрэлу11
Каментары