Па меншай меры 78 чалавек сталі ахвярай тарнада ў кітайскай прыбярэжнай правінцыі Цзянсу, піша Reuters. Як паведамляе дзяржаўнае інфармагенцтва Сіньхуа, стыхія разбурыла дзясяткі будынкаў.
За гадзіну ў акрузе Ляньшуй выпала 102 міліметры ападкаў. Больш за ўсё дасталася гораду-мільённіку Янчэню: хуткасць ветру на яго тэрыторыі складала 34,6 метра ў секунду.
Мясцовыя ўлады рыхтуюць бальніцы да прыёму шматлікіх параненых.
У сацсетках з'явіліся шматлікія выявы паваленых дрэў, пашкоджаных ліній электраперадач і перавернутых аўтамабіляў.
Цзянсу — адна з самых густанаселеных правінцый Кітая, і мясцовыя ўлады асцерагаюцца, што колькасць ахвяр можа істотна вырасці.
У пачатку гэтага тыдня паводка на поўдні КНР забрала 22 жыцця.
Каментары