Пад Вільняй знайшлі тунэль, выкапаны яўрэямі ў гады Другой сусветнай
Міжнародная група даследчыкаў знайшла тунэль, які быў выкапаны падчас Другой сусветнай вайны габрэямі-зняволенымі, якія спрабавалі бегчы ад нацыстаў.
35-метровы тунэль быў знойдзены падчас сканавання ў лесе каля пасёлка Панары на паўднёвай ускраіне Вільні, дзе падчас акупацыі адбываліся масавыя расстрэлы. Усяго ў лесе ў Панарах нацыстамі былі забітыя больш за 100 тыс. чалавек.
Тунэль быў выкапаны вязнямі з нацысцкіх канцэнтрацыйных лагераў, якіх прывозілі ў Панары, каб яны спальвалі целы расстраляных. Паводле дадзеных даследчыкаў, у іх не было ніякіх інструментаў для капання тунэля, таму зняволеныя канцлагераў рылі яго голымі рукамі.
З 80 чалавек, якія капалі тунэль, выратавацца ад нацыстаў ўдалося толькі 11.
Нацысты, якія спрабавалі схаваць сляды злачынстваў, прымушалі габрэяў-вязняў выкопваць целы, укладваць іх штабелямі, абкладваць сухімі дровамі, абліваць гаручым і падпальваць. Спальванне трупаў працягвалася з канца 1943 года да чэрвеня 1944 года.
-
Выйшла англамоўная кніга пра аперацыю «Баграціён» і вызваленне Мінска
-
«У турме я любіў выносіць смецце». Гісторыя Мандэлы, які разумеў, што немагчыма заманіць ворага ў засаду, калі не ведаеш, як мысляць яго генералы
-
«Мы заўсёды лічылі сябе старажыламі». Аналіз ДНК паказаў, што сям’я з Германіі жыве ў сваёй вёсцы ўжо тры тысячы гадоў
Каментары