Оскара Пісторыуса асудзілі на шэсць гадоў турмы за забойства сваёй сяброўкі. Абвінавачванне было перакваліфікавана з ненаўмыснага на наўмыснае забойства. Суд ўлічыў пры вынясенні прысуду змякчальныя абставіны.
Суд у паўднёваафрыканскім горадзе Прэторыя прыгаварыў да шасці гадоў турмы паралімпійца Оскара Пісторыуса, прызнаўшы яго вінаватым у забойстве сваёй сяброўкі Рывы Стэнкамп, паведамляе The Independent.
Выносячы прысуд, суддзя Таказіле Масіпа адзначыла, што змякчальныя абставіны, у тым ліку раскаянне, перавешваюць абцяжарваючыя.
Пасля вынясення прысуду спартсмен быў адпраўлены ў турму проста з залы суда. Бакі абвінавачвання і абароны заявілі пра намер падаць апеляцыю на прысуд.
У кастрычніку 2014 года Пісторыус быў асуджаны на пяць гадоў пазбаўлення волі па гэтай справе. Суд прызнаў яго вінаватым у ненаўмысным забойстве. Праз год Пісторыус быў пераведзены з турмы пад хатні арышт па хадайніцтве аб умоўна-датэрміновым вызваленьні.
У снежні 2015 года па патрабаванні пракуратуры абвінавачванне было перакваліфікавана ў наўмыснае забойства, за якое прадугледжана 15 гадоў пазбаўлення волі.
Злачынства было здзейснена 14 лютага 2013 года. Пісторыус чатыры разы стрэліў у Стэнкамп праз замкнёныя дзверы ваннай. Спартсмен у сваё апраўданне казаў, што прыняў сваю сяброўку за старонняга чалавека, які залез у яго дом, і страляў спалохаўшыся.
У Пісторыуса ампутаваныя абедзве нагі. За сваю спартыўную кар'еру ён выйграў шэсць залатых медалёў Паралімпійскіх гульняў.
Цяпер чытаюць
«Я першамайскае быдла і ліміта, базару нуль. Але блізкі да цэнтра прыняцця рашэнняў». Што Тур піша пад псеўданімам у «экстрэмісцкім» чаце13
Каментары