Злучаныя Штаты ўвялі персанальныя санкцыі супраць паўночнакарэйскага лідара Кім Чэн Ына і дзесяці высокапастаўленых чыноўнікаў з ягонага атачэння - «за абуральныя парушэнні правоў чалавека».
У «чорны спіс» міністэрства фінансаў ЗША ўключаны таксама пяць юрыдычных асоб.
«Пад уладай Кім Чэн Ына мільёны жыхароў Паўночнай Карэі працягваюць адчуваць невыносную жорсткасць і цяжкія выпрабаванні, іх падвяргаюць пазасудовым пакаранням смерцю, прымусовай працы і катаванням», - гаворыцца ў заяве намесніка мінфіна ЗША па фінансавай разведцы і пытаннях процідзеяння тэрарызму Адама Шубіна.
Кім Чэн Ын, аб'яўлены ў КНДР пасля смерці бацькі Кім Чэн Іра ў снежні 2011 года «вялікім спадчыннікам», упершыню трапляе пад дзеянне персанальных санкцый. Па словах амерыканскіх дыпламатаў, ўнясенне яго ў амерыканскі «чорны спіс» можа прывесці да раз'юшання ўладаў Паўночнай Карэі, дзе правадыр лічыцца бязгрэшным.
Галыгіна прымусілі апраўдвацца за зварот да сілавікоў у 2020-м17
Каментары