Złučanyja Štaty ŭviali piersanalnyja sankcyi suprać paŭnočnakarejskaha lidara Kim Čen Yna i dziesiaci vysokapastaŭlenych čynoŭnikaŭ ź jahonaha atačeńnia - «za aburalnyja parušeńni pravoŭ čałavieka».

U «čorny śpis» ministerstva finansaŭ ZŠA ŭklučany taksama piać jurydyčnych asob.
«Pad uładaj Kim Čen Yna miljony žycharoŭ Paŭnočnaj Karei praciahvajuć adčuvać nievynosnuju žorstkaść i ciažkija vyprabavańni, ich padviarhajuć pazasudovym pakarańniam śmierciu, prymusovaj pracy i katavańniam», - havorycca ŭ zajavie namieśnika minfina ZŠA pa finansavaj raźviedcy i pytańniach procidziejańnia teraryzmu Adama Šubina.
Kim Čen Yn, abjaŭleny ŭ KNDR paśla śmierci baćki Kim Čen Ira ŭ śniežni 2011 hoda «vialikim spadčyńnikam», upieršyniu traplaje pad dziejańnie piersanalnych sankcyj. Pa słovach amierykanskich dypłamataŭ, ŭniasieńnie jaho ŭ amierykanski «čorny śpis» moža pryvieści da raźjušańnia ŭładaŭ Paŭnočnaj Karei, dzie pravadyr ličycca biazhrešnym.
Kamientary