Зубр з Белавежскай пушчы прыбіўся да статка кароў у Кобрынскім раёне ФОТА
Самец зубра міграваў з Белавежскай пушчы і прыбіўся да статка кароў у Кобрынскім раёне Брэсцкай вобласці, паведаміў вядучы навуковы супрацоўнік нацыянальнага парку Аляксей Буневіч.
Малады зубр, якому каля пяці гадоў, аблюбаваў ўгоддзі ААТ «Любань» у вёсцы Лелікава. Самец прыбіўся да статка ў сярэдзіне жніўня і ўвесь гэты час не адыходзіць ад кароў. «Да кароў, пастуха і мясцовага лесніка ён ставіцца прыязна. Калі яго адганяюць, то ён пасецца і адпачывае побач. Раней выпадкі з'яўлення дарослых самцоў зуброў у статку хатняй жывёлы заканчваліся дрэнна — некалькі кароў было смяротна траўмавана», — распавёў Аляксей Буневіч і дадаў, што было прынята рашэнне перавесці гэтага зубра ў рэзервовы генафонд і, пры магчымасці, адлавіць і змясціць у дэманстрацыйныя вальеры. Пакуль жа спецыялісты арганізавалі яго падкорм.
Міграцыя зуброў з Белавежскай пушчы — з'ява распаўсюджаная і ўласцівая толькі самцам. Асноўнай прычынай іх сыходу са свайго статка з'яўляюцца пошук новых самак, пагаршэнне натуральнай кармавой базы або перапоўненасць папуляцыі. Першыя выхады самцоў далёка за межы ляснога масіву Белавежскай пушчы былі зарэгістраваныя прыкладна праз 10 гадоў пасля выпуску зуброў з загонаў на волю ў 1953 годзе. Калі жывёлы далёка сыходзяць ад роднага лесу, як правіла, яны ўжо не вяртаюцца, у тым ліку таму, што гінуць ад рук браканьераў.
Цяпер чытаюць
Затрымалі кіраўнікоў івэнт-кампаній. Адзін з іх дапамагаў ладзіць канцэрты ў падтрымку Лукашэнкі1
Затрымалі кіраўнікоў івэнт-кампаній. Адзін з іх дапамагаў ладзіць канцэрты ў падтрымку Лукашэнкі
«На канцэртах няма месца радыкальнаму нацыяналізму, агрэсіі і гвалту». Макс Корж выказаўся наконт скандалу, які разгарэўся пасля яго выступу ў Варшаве3737
Каментары