Міністэрства ўнутраных спраў Беларусі рыхтуе законапраект аб забароне продажу алкаголю ў начны час і на АЗС, паведамілі ў прэс-службе МУС.
«Вядзецца распрацоўка праекта нарматыўна-прававога акта, які прадугледжвае ўвядзенне забароны на продаж спіртных напояў на АЗС і ў начны час», — праінфармавалі ў прэс-службе.
Праект закона павінен быць прадстаўлены на разгляд урада не пазней за 1 лістапада бягучага года.
Сёння на прэс-канферэнцыі начальнік упраўлення кантролю спажывецкага рынку — гандлёвай інспекцыі Міністэрства антыманапольнага рэгулявання і гандлю Валяр'ян Бяспалы паведаміў таксама, што ў цяперашні час абмяркоўваецца пытанне па вывядзенні алкагольнай прадукцыі з агульнай залы гандлёвых аб'ектаў: «Аднак гэта патрабуе пэўных выдаткаў з боку ў тым ліку суб'ектаў гаспадарання на набыццё дадатковага абсталявання, пераабсталяванне. Гэтае пытанне пакуль прапрацоўваецца на ўзроўні нашага міністэрства».
Пры гэтым Бяспалы адзначыў: «Асабіста маё меркаванне — толькі забароннымі мерамі мы ніколі не навядзём парадку, не прышчэпім культуру, у тым ліку піцця. Неабходна ўсім — і дзяржаўным органам, і СМІ — працаваць і пераконваць грамадзян у тым, што алкаголь — гэта шкодна».
Што вы думаеце пра гэтыя ініцыятывы? Выказвайцеся ў каментарах!
Цяпер чытаюць
«Размаўляў увесь час па-беларуску». Павел Севярынец запісаў свой першы зварот пасля вызвалення12
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher22
Каментары