Ministerstva ŭnutranych spraŭ Biełarusi rychtuje zakonaprajekt ab zabaronie prodažu ałkaholu ŭ načny čas i na AZS, paviedamili ŭ pres-słužbie MUS.
«Viadziecca raspracoŭka prajekta narmatyŭna-pravavoha akta, jaki praduhledžvaje ŭviadzieńnie zabarony na prodaž śpirtnych napojaŭ na AZS i ŭ načny čas», — prainfarmavali ŭ pres-słužbie.
Prajekt zakona pavinien być pradstaŭleny na razhlad urada nie paźniej za 1 listapada biahučaha hoda.
Siońnia na pres-kanfierencyi načalnik upraŭleńnia kantrolu spažyvieckaha rynku — handlovaj inśpiekcyi Ministerstva antymanapolnaha rehulavańnia i handlu Valarjan Biaspały paviedamiŭ taksama, što ŭ ciapierašni čas abmiarkoŭvajecca pytańnie pa vyviadzieńni ałkaholnaj pradukcyi z ahulnaj zały handlovych abjektaŭ: «Adnak heta patrabuje peŭnych vydatkaŭ z boku ŭ tym liku subjektaŭ haspadarańnia na nabyćcio dadatkovaha abstalavańnia, pieraabstalavańnie. Hetaje pytańnie pakul prapracoŭvajecca na ŭzroŭni našaha ministerstva».
Pry hetym Biaspały adznačyŭ: «Asabista majo mierkavańnie — tolki zabaronnymi mierami my nikoli nie naviadziom paradku, nie pryščepim kulturu, u tym liku pićcia. Nieabchodna ŭsim — i dziaržaŭnym orhanam, i ŚMI — pracavać i pierakonvać hramadzian u tym, što ałkahol — heta škodna».
Što vy dumajecie pra hetyja inicyjatyvy? Vykazvajciesia ŭ kamientarach!
Ciapier čytajuć
«Biełaruś ciabie lubić». Repartaž z raźvitańnia ź Mikitam Miełkazioravym4
Kamientary