Беларусь атрымала ад Расіі яшчэ чатыры вучэбна-баявыя самалёты Як-130
23 лістапада ў Лідзе прайшлі ўрачыстыя мерапрыемствы з нагоды атрымання лётчыкамі і тэхнікамі 116-й гвардзейскай штурмавой авіацыйнай базы чатырох новых вучэбна-баявых самалётаў Як-130.Пра гэта паведаміў афіцыйны сайт Мінабароны Беларусі.
Гэта апошнія чатыры Як-130, якія Беларусь замовіла расійскай карпарацыі «Іркут». Такім чынам, усяго беларускія ВПС атрымалі 8 машын Як-130.
Як-130, як піша сайт беларускага абароннага ведамства, адзіны ў свеце вучэбны самалёт, у якім аэрадынамічная кампаноўка і лётна-тэхнічныя характэрыстыкі дагукавога палёту аналагічныя сучаснаму рэактыўнаму знішчальніку. Машына, паводле Мінабароны, дазваляе весці падрыхтоўку лётчыкаў для эксплуатацыі перспектыўных самалётаў апошняга 5-га пакалення. Пакуль што адзіная краіна вырабляе і мае на ўзбраенні самалёты пятага пакалення — гэта амерыканскія знішчальнікі F-22 і F-35.
Беларусь раней выкарыстоўвала для падрыхтоўкі пілотаў чэшскія самалёты L-39, вытворчасць якіх пачалася яшчэ ў 1968 годзе. Лічыцца, што значна больш сучасныя Як-130 будуць лепш падыходзіць для навучання лётчыкаў XXI стагоддзя. Плюс пры патрэбе Як-130 можа ўзяць на борт да 3000 кг рознага авіяцыйнага стралковага, ракетнага і бомбавага ўзбраення.
Як-130 быў распрацаваны расійскімі інжынерамі ў супрацоўніцтве з італьянскай кампаніяй Aermacchi, аднак на завяршальным этапе распрацоўкі італьянцы выйшлі з партнёрства. Aermacchi атрымала ўсю канструктарскую і тэхнічную дакументацыю на планёр самалёта і зрабіла на гэтай базе сваю ўласную машыну для трэніроўкі лётчыкаў — M-346.
Цяпер чытаюць
«Размаўляў увесь час па-беларуску». Павел Севярынец запісаў свой першы зварот пасля вызвалення12
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher22
Каментары