Супрацоўніка Рагачоўскага малочна-кансервавага камбіната прысудзілі да дзевяці гадоў калоніі за атрыманне хабару на агульную суму амаль у Br115 тысяч, паведамілі БЕЛТА ў прэс-службе Гомельскага абласнога суда.
Суд Рагачоўскага раёна прызнаў работніка прадпрыемства вінаватым у здзяйсненні злачынстваў, прадугледжаных ч.3 арт.430 КК (атрыманне хабару ў асабліва буйным памеры), ч.2 арт.430 КК (атрыманне хабару паўторна ў буйным памеры). Яму прызначана пакаранне ў выглядзе дзевяці гадоў пазбаўлення волі ў выпраўленчай калоніі ўзмоцненага рэжыму.
У яго канфіскуюць ўсю яго маёмасць і пазбавяць права займаць пасады, звязаныя з выкананнем арганізацыйна-распарадчых абавязкаў, тэрмінам на пяць гадоў. У даход дзяржавы з яго будзе спагнана амаль Br115 тысяч.
Прысуд у законную сілу не ўступіў, можа быць абскарджаны і апратэставаны ва ўстаноўленыя законам тэрміны.
Як было высветлена падчас папярэдняга расследавання, знаходзячыся на пасадзе начальніка аддзела знешнеэканамічнай дзейнасці Рагачоўскага малочна-кансервавага камбіната, той на працягу пяці гадоў прымаў незаконнае ўзнагароджанне ад прадстаўнікоў камерцыйных структур Казахстана і Расіі за спрыяльнае вырашэнне пытанняў, якія ўваходзяць у яго кампетэнцыю. Памер узнагароды залежаў ад колькасці тавараў, адгружаных са складоў.
Акрамя таго, ён неаднаразова атрымліваў незаконнае грашовае ўзнагароджанне ад кіраўніка транспартна-экспедыцыйнай кампаніі за тое, што арганізоўваў перавозку прадукцыі камбіната па тэрыторыі іншых дзяржаў выключна транспартам гэтай кампаніі.
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары