Supracoŭnika Rahačoŭskaha małočna-kansiervavaha kambinata prysudzili da dzieviaci hadoŭ kałonii za atrymańnie chabaru na ahulnuju sumu amal u Br115 tysiač, paviedamili BIEŁTA ŭ pres-słužbie Homielskaha abłasnoha suda.
Sud Rahačoŭskaha rajona pryznaŭ rabotnika pradpryjemstva vinavatym u ździajśnieńni złačynstvaŭ, praduhledžanych č.3 art.430 KK (atrymańnie chabaru ŭ asabliva bujnym pamiery), č.2 art.430 KK (atrymańnie chabaru paŭtorna ŭ bujnym pamiery). Jamu pryznačana pakarańnie ŭ vyhladzie dzieviaci hadoŭ pazbaŭleńnia voli ŭ vypraŭlenčaj kałonii ŭzmocnienaha režymu.
U jaho kanfiskujuć ŭsiu jaho majomaść i pazbaviać prava zajmać pasady, źviazanyja z vykanańniem arhanizacyjna-rasparadčych abaviazkaŭ, terminam na piać hadoŭ. U dachod dziaržavy ź jaho budzie spahnana amal Br115 tysiač.
Prysud u zakonnuju siłu nie ŭstupiŭ, moža być abskardžany i apratestavany va ŭstanoŭlenyja zakonam terminy.
Jak było vyśvietlena padčas papiaredniaha rasśledavańnia, znachodziačysia na pasadzie načalnika adździeła źniešnieekanamičnaj dziejnaści Rahačoŭskaha małočna-kansiervavaha kambinata, toj na praciahu piaci hadoŭ prymaŭ niezakonnaje ŭznaharodžańnie ad pradstaŭnikoŭ kamiercyjnych struktur Kazachstana i Rasii za spryjalnaje vyrašeńnie pytańniaŭ, jakija ŭvachodziać u jaho kampietencyju. Pamier uznaharody zaležaŭ ad kolkaści tavaraŭ, adhružanych sa składoŭ.
Akramia taho, jon nieadnarazova atrymlivaŭ niezakonnaje hrašovaje ŭznaharodžańnie ad kiraŭnika transpartna-ekśpiedycyjnaj kampanii za toje, što arhanizoŭvaŭ pieravozku pradukcyi kambinata pa terytoryi inšych dziaržaŭ vyklučna transpartam hetaj kampanii.
Ciapier čytajuć
U Tajłandzie źnikła anlifanščyca ź Pinska. Jaje mahli pradać u Mjanmu4
Kamientary