Войскі краін, якія ўваходзяць у заходнеафрыканскі эканамічны саюз ЭКАВАС, падрыхтаваліся да ўварвання ў Гамбію, паведамляе Associated Press са спасылкай на прадстаўніка вайсковага камандавання.
Паводле яго слоў, калі да апоўначы прэзідэнт Гамбіі Яйя Джаму не пакіне сваю пасаду, узброеныя сілы «пачнуць дзейнічаць».
Раней жыхары Сенегала (адзінай краіны, з якой мяжуе Гамбія) паведамлялі пра рух войска ў напрамку мяжы з Гамбіяй. Нігерыя абвясціла, што накіравала ў Сенегал вайсковую авіяцыю для падтрымкі ўварвання.
Раней ЭКАВАС ўпаўнаважыў Сенегал увесці войскі ў Гамбію ў якасці крайняй меры прымушаючы Джаму да адстаўкі. 18 студзеня Сенегал унёс у Раду бяспекі ААН праект рэзалюцыі падтрымкі дзеянняў ЭКАВАС.
Колькасць узброеных сіл Гамбіі - каля 2,5 тысяч чалавек.
***
На 19 студзеня была прызначаная інаўгурацыя новага прэзідэнта Гамбіі Адама Бэроу, які перамог на снежаньскіх выбарах дзейнага кіраўніка дзяржавы Яйю Джаму, які кіруе краінай з 1994 года (ён прыйшоў да ўлады ў выніку ваеннага перавароту).
Спярша Джаму прызнаў паразу, але пазней абвясціў аб парушэннях на выбарах і адмовіўся пакінуць пасаду, пакуль Вярхоўны у суд не разгледзіць справу аб парушэннях на выбарах (гэта павінна адбыцца ў маі). 17 студзеня ён абвясціў у краіне надзвычайнае становішча тэрмінам на 90 дзён; на наступны дзень парламент Гамбіі падоўжыў яго паўнамоцтвы на тры месяцы, піша meduza.io
Афрыканскі саюз ужо заявіў, што будзе лічыць Бэроу законна абраным прэзідэнтам з 19 студзеня. Пераможца выбараў Адам Бэроў да інаўгурацыі вырашыў заставацца ў Сенегале.
Цяпер чытаюць
Яраслаў Раманчук дае прагноз, калі скончыцца вайна. І расказвае, чым цяпер займаецца і як яго шакавалі заявы Бабарыкі5
Каментары