Выстава твораў беларускага мастака Міхала Чэпіка адчыняецца сёньня ў Менску.
Яна прысьвечана дню Горада — прытым, што сьвята адзначаецца ў верасьні — ды й называецца адпаведна: «Мой Менск».
На выставе ў галерэі Леаніда Шчамялёва сабрана каля 30 пастэляў. Міхал Чэпік ствараў выстаўленыя работы ў пяцідзесятыя — семідзясятыя гады мінулага стагодзьдзя.
Пастэлі прадстаўляе дачка мастака, Сьвятлана Чэпік.
Міхал Чэпік нарадзіўся ў вёсцы Залесьсе на Лепельшчыне ў 1925 г. У 1951—1985 гадах ён быў мастаком-дэкаратарам Опэрнага тэатру.
Чэпік тварыў у розных жанрах станковага жывапісу, а таксама ў акварэлі, графіцы ды плякаце. Яго пастэлі захоўваюцца ў многіх мастацкіх калекцыях за межамі Беларусі.
У свой час Міхал Чэпік праславіўся сярод тэатралаў як аўтар сцэнаграфіі да оперы «Вертэр» Жуля Маснэ.
Галерэя Шчамялёва, пр. Ракасоўскага, 49
Цяпер чытаюць
Што Бабарыка і Калеснікава адказалі на пытанні пра вайну111
Каментары