Прэс-сакратар МУС «не ўбачыў» расійскі трыкалор у машыне аршанскага АМАПа
Пасля акцыі «недармаедаў» у Воршы 12 сакавіка міліцыя затрымала Паўла Севярынца.
Увагу людзей звярнуў факт, што за лабавым шклом машыны, у якую супрацоўнікі сілавых структураў пасадзілі палітыка, былі сувеніры ў колерах расійскага дзяржаўнага сцяга, з абрысамі Расійскай Федэрацыі і надпісам «Расія» ды выявамі дзвюхгаловага арла.
Чаму беларускія праваахоўнікі ездзяць на машынах з атрыбутыкай іншых дзяржаў? Пра гэта «Наша Ніва» спыталася ў прэс-сакратара Міністэрства ўнутраных справаў Канстанціна Шалькевіча.
Спадар Шалькевіч адказаў, што на фота, пра якое ідзе гаворка, ён не ўбачыў расійскай сімволікі: «Ні сцяга, ні герба».
«Што вы маеце на ўвазе? — спытаў Шалькевіч. — Калі я надзену чырвона-бела-сіні касцюм, вы ў мяне будзеце пытацца, чаму я ў трыкалоры хаджу? Я вас цудоўна разумею, таму кажу — ні сцяга, ні герба я там не ўбачыў. Таму каментаваць мне з гэтай нагоды няма чаго. У вас абсалютна нявернае разуменне таго, што такое сімволіка».
Цяпер чытаюць
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2727
Каментары