Pres-sakratar MUS «nie ŭbačyŭ» rasijski trykałor u mašynie aršanskaha AMAPa
Paśla akcyi «niedarmajedaŭ» u Voršy 12 sakavika milicyja zatrymała Paŭła Sieviarynca.
Uvahu ludziej źviarnuŭ fakt, što za łabavym škłom mašyny, u jakuju supracoŭniki siłavych strukturaŭ pasadzili palityka, byli suvieniry ŭ kolerach rasijskaha dziaržaŭnaha ściaha, z abrysami Rasijskaj Fiederacyi i nadpisam «Rasija» dy vyjavami dźviuchhałovaha arła.
Čamu biełaruskija pravaachoŭniki jeździać na mašynach z atrybutykaj inšych dziaržaŭ? Pra heta «Naša Niva» spytałasia ŭ pres-sakratara Ministerstva ŭnutranych spravaŭ Kanstancina Šalkieviča.
Spadar Šalkievič adkazaŭ, što na fota, pra jakoje idzie havorka, jon nie ŭbačyŭ rasijskaj simvoliki: «Ni ściaha, ni hierba».
«Što vy majecie na ŭvazie? — spytaŭ Šalkievič. — Kali ja nadzienu čyrvona-bieła-sini kaścium, vy ŭ mianie budziecie pytacca, čamu ja ŭ trykałory chadžu? Ja vas cudoŭna razumieju, tamu kažu — ni ściaha, ni hierba ja tam nie ŭbačyŭ. Tamu kamientavać mnie z hetaj nahody niama čaho. U vas absalutna niaviernaje razumieńnie taho, što takoje simvolika».
Kamientary