Расійскія СМІ вінавацяць Беларусь у перапродажы Украіне расійскай зброі
Выданне «Свабодная прэса», якое рэдагуе расійскі пісьменнік Сяргей Шаргуноў, змясціла артыкул з красамоўнай назвай «Расія дапамагае Украіне адваёўваць Данбас».
«Масква і Кіеў, нягледзячы ні на што, нарошчваюць аб'ёмы гандлю прадукцыяй абароннага прызначэння», — гаворыцца ва ўступе да артыкула.
«Не думаю, што для баявой авіяцыі камплектуючыя пастаўляліся з Расіі. Іншая справа, што іх маглі прадаць Кіеву праз суседнія краіны, паколькі тыя ж МіГ-29 былі і ёсьць у Беларусі і Казахстана,
— лічыць галоўны рэдактар часопіса «Экспарт узбраення» Андрэй Фралоў. — Што тычыцца закупкі гэтымі дзяржавамі якой-небудзь намеклатуры для перапродажу ва Украіну, то тут не так усё проста. Існуе так званы сертыфікат канчатковага карыстальніка: пры любой пастаўцы пакупнік пытаецца дазвол на рээкспарт ў прадаўца. Зразумела, што ніхто датчыкі не ставіць на ўсё запар, але калі выявіцца, што хтосьці перапрадае якія-небудзь агрэгаты або тэхніку ва Украіну, закупляючы іх у Расія для сябе, то будзе вялікі скандал».
Пра паток зброі з Расіі ва Украіну праз Беларусь гаворыць таксама іншы эксперт — намеснік дырэктара Інстытута палітычнага і ваеннага аналіза Аляксандр Храмчыхін.
«Гандаль з Украінай у ваенным сегменце працягваецца, і гэта відавочна. Праз Казахстан — у меншай ступені. Але праз Беларусь, мабыць, ваенная прадукцыя ідзе шырокім патокам ў абодвух напрамках», — лічыць Храмчыхін.
На ягоную думку, на «сертыфікат карыстальніка» ў Беларусі ці Украіне проста ніхто не звяртае ўвагі.
«З'яўляліся паведамленні і пра пастаўкі гусенічных стужак і рухавікоў расійскай вытворчасці для бронетранспарцёраў савецкай вытворчасці БТР-70, якія былі набыты праз брытанскую фірму. А таксама камплектуючых для верталётнай тэхнікі.
Беларусы хоць адмаўляюць, а ўкраінцы заяўляюць, што асвоілі вытворчасць сістэм, але цалкам могуць пастаўляцца тыя ж прыборы начнога бачання і сістэмы навядзення для процітанкавых ракет, на якіх будзе стаяць ўкраінская маркіроўка», — перакананы эксперт.
«Міс Беларусь» усё больш нагадвае конкурс прыгажосці ў гарэме23
Каментары