У метро Пекіна пачаліся выпрабаванні цягніка, які лётае з дапамогай магнітнай падушкі
На гэтым тыдні ў Пекіне пачаліся выпрабаванні хуткаснага цягніка на паветранай падушцы, прызначанага для мясцовага метрапалітэна.
На дадзеным этапе цягнік будзе курсіраваць па лініі метро S1, а даўжыня адрэзка чыгуначнага палатна, пабудаванага па тэхналогіі магнітнай левітацыі, будзе складаць усяго 10 кіламетраў.
Зараз заяўленая максімальная хуткасць руху цягніка складае 100 кіламетраў за гадзіну, а адзін вагон можа змясціць да 150 чалавек. Асноўнымі перавагамі цягніка з'яўляюцца практычна поўная бясшумнасць пры руху і адсутнасць шкоды для навакольнага асяроддзя.
Сам цягнік быў распрацаваны кітайскай кампаніяй CRRC Dalian пры ўдзеле экспертаў Паўднёва-заходняга транспартнага ўніверсітэта. У найбліжэйшыя планы экспертаў уваходзіць пабудова новых чыгуначных ліній для руху цягнікоў на магнітнай падушцы, а таксама распрацоўка цягнікоў такога тыпу, якія маглі б развіваць хуткасць да 600 кіламетраў за гадзіну. Паводле наяўнай інфармацыі, новыя цягнікі павінны будуць з'явіцца не пазней за 2020 год, а новыя лініі метро звяжуць прыгарады Пекіна з яго цэнтрам.
Цяпер чытаюць
Чаму YouTube выдаліў каналы БелТА, СТБ і АНТ? Вось што вядома33
Каментары