З 1 па 23 кастрычніка попыт на далярына Беларускай валютна-фондавай біржы перавысіў прапанову на 351 млн. Для параўнаньня — у жніўні, у разгар адпачынкаў зь яго традыцыйным пікам попыту на валюту, — на 152 млн.
З 1 да 23 кастрычніка попыт на даляры ЗША на Беларускай валютна-фондавай біржы перавысіў прапанову на 351 мільён даляраў. Для параўнаньня — у верасьні попыт перавысіў прапанову на 322 млн даляраў, у жніўні, у разгар адпачынкаў зь яго традыцыйным пікам попыту на валюту, — на 152 млн.
Як паведамлялася раней, міжнародныя рэзэрвавыя актывы Беларусі (золатавалютныя рэзэрвы) у нацыянальным вызначэньні скараціліся за верасень на 11,8 % (на 658,9 млн даляраў) і склалі на пачатак кастрычніка 4 млрд 944,2 млн даляраў. Паводле мэтодыкі МВФ міжнародныя рэзэрвавыя актывы за верасень скараціліся амаль на 10 % (460 млн) і склалі 4 млрд 119,9 млн даляраў.
1 кастрычніка міністар фінансаў Расіі Аляксей Кудрын паведаміў аб прынцыповым рашэньні расійскага боку выдзеліць ураду Беларусі чарговы стабілізацыйны крэдыт 2 млрд даляраў.
Адначасова Нацбанк зьвярнуўся і да Міжнароднага валютнага фонду з просьбай аб гіганцкім рэзэрвавым крэдыце на 2 млрд даляраў ЗША. Варта зазначыць, што ў пачатку 2004 году Беларусь заяўляла аб сваёй адмове праводзіць далейшыя перамовы з МВФ аб выдзяленьні рэзэрвовых крэдытаў. І тое, што Менск пайшоў на паклон да ўстановы, якую яшчэ ўчора бэсьціў, можа сьведчыць пра нарастаньне праблемаў у фінансавай сыстэме краіны.
Асаблівая небясьпека можа скласьціся, калі на валютны голад банкаў і прадпрыемстваў, пазбаўленых патрэбных крэдытных рэсурсаў, накладзецца паніка ўкладчыкаў, якія страцяць давер да нацыянальнай валюты. Урад і асабіста Лукашэнка прыкладаюць гэтымі днямі шмат стараньняў, каб упэўніць грамадзянаў у надзейнасьці беларускай банкаўскай сыстэмы.
-
Мацкевіч: Статкевіч маральна перамог, але мяне проста бесіць вось гэтая «маральная перамога»
-
«Няма доказаў» і «адпрацоўка блакады Калінінграда». Што пішуць афіцыйныя СМІ пра зонды і закрыццё мяжы
-
«Шары запускаюць і з аўтамабільных прычэпаў». Былы кантрабандыст тлумачыць, чаму цыгарэты ў Літву ўсё часцей перакідаюць на метэазондах
Цяпер чытаюць
Справа Софтклуба: затрыманы патрыярх беларускага ІТ Уладзімір Сіротка і некалькі топ-менеджараў. Яны падарылі нам АРІП16
Каментары