Ізраіль наносіў удары па цэлях на Блізкім Усходзе, выкарыстоўваючы знішчальнікі пятага пакалення амерыканскай вытворчасці F-35. Паводле заявы ізраільскіх вайскоўцаў, гэта іх першае баявое прымяненне.
Ізраіль быў першай краінай, якой ЗША паставілі F-35 (яны атрымалі назву F-35I Adir). Першыя два самалёты з 50 замоўленых былі перададзеныя ў 2016 годзе. Зараз ВПС Ізраіля маюць дзевяць такіх знішчальнікаў
Па словах галоўнакамандуючага ВПС Ізраіля Амікама Норкіна, якія прыводзяцца ў Twitter Арміі абароны Ізраіля (IDF), знішчальнікі пятага пакалення ўжо здзяйсняюць палёты і ўдзельнічаюць у баявых місіях. «Мы сталі першымі ў свеце, хто выкарыстаў F-35 у баявых дзеяннях», — сказаў Норкін.
Ён дадаў, што F-35 выкарыстоўваліся двойчы на розных франтах.
Каментары