Украіна выпрабавала крылатыя ракеты для абароны Азоўскага ўзбярэжжа ВІДЭА
На поўдні Адэскай вобласці адбыліся паспяховыя выпрабаванні крылатай ракеты ўкраінскай вытворчасці, паведамляе Рада нацыянальнай бяспекі і абароны Украіны (РНБА).
На выпрабаваннях прысутнічаў сакратар РНБА Аляксандр Турчынаў, які запэўніў, што ўкраінскія ракеты здольныя забяспечыць абарону Чарнаморскага і Азоўскага ўзбярэжжа, пры неабходнасці, нават у партах іх базавання.
Паводле Турчынава, далёкасць палёту ракеты да 300 кіламетраў. Таксама ракеты гэтага класа — магутная высокадакладная зброя, «здольная знішчаць любыя марскія і наземныя цэлі».
Акрамя таго Турчынаў адзначыў, што з дапамогай крылатых ракет можна знішчаць вайсковыя і інфраструктурныя аб'екты, у прыватнасці, «стратэгічныя масты і паромныя пераправы ў выпадку іх выкарыстання ворагам для агрэсіі супраць нашай дзяржавы».
Цяпер чытаюць
Што вядома пра затрыманых радыёаматараў, якім пагражае аж да расстрэлу2
Каментары