Маладую пару з Віцебска падазраюць у забойстве 28-гадовай жанчыны, цела якой знайшлі ў лесе ў Лёзненскім раёне. Як мяркуюць супрацоўнікі праваахоўных органаў, злачынцы хацелі завалодаць кватэрай ахвяры. Падрабязнасці паведамляе міліцыя рэгіёна.
Інфармацыю пра забойства 24 верасня атрымаў участковы Кастрычніцкага РАУС Віцебска. Яна пацвердзілася: у яме пад паваленым дрэвам у лесе ў Лёзненскім раёне міліцыянты знайшлі труп 28-гадовай жыхаркі Віцебска з пашкоджаннямі ў вобласці галавы.
Да вечара таго ж дня міліцыя затрымала падазраваных у забойстве - 21-гадовага хлопца і 24-гадовую дзяўчыну, жыхароў абласнога цэнтра.
18 верасня пара гасцявала ў ахвяры. Падчас застолля хлопец і дзяўчына вырашылі завалодаць кватэрай гаспадыні. Маладыя людзі вывезлі жанчыну ў лес, некалькі разоў ударылі па галаве, а затым закапалі цела пад дрэва.
Судмедэксперты павінны даць заключэнне аб прычынах смерці жанчыны. Заведзена крымінальная справа па факце забойства.
Цяпер чытаюць
Мінчук чатыры гады трымаў у рабстве пенсіянераў і прымушаў іх прасіць міласціну. Яны ўжо памерлі8
Каментары