Аляксандр Лукашэнка бачыць хібы ў вайсковай падрыхтоўцы і ў цэлым выхаванні моладзі сярод мужчынскай часткі насельніцтва з-за вялікага адсотка адтэрміновак ад службы ў войску. Пра гэта ён заявіў сёння, адказваючы на пытанні журналістаў.
Адно з пытанняў тычылася прэстыжу вайсковай службы і што неабходна зрабіць, каб яго павысіць. «Я некалькі рэзкі пры выказваннях на гэтую тэму. Бо гэта мяне, як мужыка, не толькі прэзідэнта, занадта чапляе», — падкрэсліў беларускі кіраўнік.
Ён у сувязі з гэтым адзначыў, што ў Беларусі каля 80% з ліку тых, хто падлягае прызыву на тэрміновую ваенную службу, даюцца адтэрміноўкі па тых ці іншых падставах. «Амаль 80% па законе ў адтэрміноўцы. Камусьці па вучобе, камусьці па сямейных абставінах …
То бок мы самі прынялі такія рашэнні, што людзі па законе могуць не служыць. Гэта не нармальна. Ведаеце, мы выміраем як клас, мы выміраем як мужыкі», - сказаў ён.
Кіраўнік дзяржавы звярнуў увагу, што ў выпадку ваеннага канфлікту многія проста не будуць умець карыстацца раздадзенай зброяй.
«Мы вельмі сур'ёзна, і гэта наша задача, на працягу гэтага года і найбліжэйшага паўгоддзя падумаем над тым, як зрабіць так, каб навучыць мужыка абараніць хаця б сябе і сваю сям'ю, не кажучы ўжо пра тое, што ён Радзіму павінен абараняць.
Мы самі тут нахамуталі кучу пытанняў і сёння ахаем, охаем, што ў нас недзе не хапае вайскоўцаў», - заявіў кіраўнік дзяржавы.
Цяпер чытаюць
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі6
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары