Адміністрацыя прэзідэнта ЗША Дональда Трампа запускае кампанію па дэкрыміналізацыі гомасэксуалізму ў краінах, дзе незаконна мець такую сэксуальную арыентацыю. Нагодай для запуску праграмы стала пакаранне смерцю хлопца ў Іране, паведамляе NBC.
На чале кампаніі стаіць пасол ЗША ў Германіі Рычард Грэнел (Richard Grenel), — самы высокапастаўлены адкрыты гей у адміністрацыі Трампа. Па словах амерыканскіх чыноўнікаў, яны будуць працаваць з міжнароднымі арганізацыямі, а таксама з уладамі краін, дзе правы гомасэксуалаў не ўшчамляюцца. Да пачатку кампаніі ўлады ЗША запрасілі ў пасольства ў Берліне ЛГБТ-актывістаў з еўрапейскіх краін.
«Непакой выклікае тое, што ў XXI стагоддзі прыкладна ў 70 краінах усё яшчэ ёсць законы, што крыміналізуюць статус ці паводзіны прадстаўнікоў ЛГБТ-супольнасцяў»
— сказаў суразмоўца NBC з адміністрацыі Трампа.
Каментары