vеlcom | A1 цалкам абнаўляе спецыяльную лінейку тарыфаў для моладзі lemon — глядзіце, што зменіцца
vеlcom | A1 прадставіў абноўленую лінейку тарыфаў: lemon X, lemon Y і lemon Z. Цяпер моладзі даступныя безліміт на сацсеткі і мэсэнджары, неабмежаваная колькасць хвілін на званкі ўнутры сеткі і іншыя «плюшкі».
Напрыклад, магчымасць падключыць дадатковыя пакеты, якія дазваляюць сфарміраваць персанальны тарыф, зыходзячы з асабістых пажаданняў. Новыя тарыфы складзеныя з улікам патрэб у зносінах, забавах і інтэрнэт-трафіку дзяцей ад 6 да 12 гадоў, падлеткаў ад 13 да 17 гадоў і моладзі ад 18 да 26 гадоў. Пры гэтым выбар аднаго з трох тарыфаў не прывязаны да ўзроставых груп. Галоўны крытэр — максімальны ўзроставы парог 26 гадоў, па дасягненні якога кошт абранай опцыі павялічваецца.
У адрозненні ад старога тарыфу lemon, усе званкі ўнутры сеткі цяпер бясплатныя, а для абанентаў lemon X і lemon Y прадугледжаныя бясплатныя хвіліны і на нумары іншых аператараў. У залежнасці ад тарыфнага плану ў аплату ўключаны інтэрнэт-трафік ад 1 да 8 ГБ. Пры гэтым нявыкарыстаны ў гэтым месяцы трафік аўтаматычна пераносіцца на наступны. Калі гэтага не хапіла, можна падключыць дадатковы пакет ці безлімітны інтэрнэт на абранай хуткасці.
Новая лінейка lemon улічвае рост папулярнасці мэсэнджараў і сацсетак. «Чаціцца» без абмежаванняў прапануецца ў Telegram, Viber, WhatsApp і Facebook Messenger. Поўны безліміт на дзевяць сацсетак — Facebook, Instagram, Pinterest, Twitter, Snapchat, «Аднакласнікі», VK, Tinder, BOOM — уключаны ў кошт пакета абанентам «старэйшых» тарыфаў, а для lemon Z падключыць гэтую паслугу можна ўсяго за 3,90 рубля на месяц.
У тарыфныя планы lemon таксама ўключаныя розныя падпіскі VOKA, якія прыйдуцца даспадобы гледачам розных узростаў. Так, абаненты lemon Z атрымаюць доступ да падпіскі Disney, lemon Y — да фільмаў і серыялаў у ivi, а карыстальнікі lemon X змогуць глядзець усе 79 каналаў VOKA TV. Сярод дадатковых пакетаў — безліміт на музыку ў Apple Music, Google Play Music або SoundСloud за 0,90 рубля, а таксама неабмежаваны доступ у Youtube па акцыйнай цане 2,90 рубля да канца года.
Папярэдні lemon з коштам пакета паслуг у 9,90 рубля з 30 мая перамяшчаецца ў архіў. Абаненты гэтага тарыфнага плану могуць працягнуць карыстацца ім або перайсці на новую лінейку lemon.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу4
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1919
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х19
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8585
Каментары