vielcom | A1 całkam abnaŭlaje śpiecyjalnuju liniejku taryfaŭ dla moładzi lemon — hladzicie, što źmienicca
vielcom | A1 pradstaviŭ abnoŭlenuju liniejku taryfaŭ: lemon X, lemon Y i lemon Z. Ciapier moładzi dastupnyja bieźlimit na sacsietki i mesendžary, nieabmiežavanaja kolkaść chvilin na zvanki ŭnutry sietki i inšyja «pluški».
Naprykład, mahčymaść padklučyć dadatkovyja pakiety, jakija dazvalajuć sfarmiravać piersanalny taryf, zychodziačy z asabistych pažadańniaŭ. Novyja taryfy składzienyja z ulikam patreb u znosinach, zabavach i internet-trafiku dziaciej ad 6 da 12 hadoŭ, padletkaŭ ad 13 da 17 hadoŭ i moładzi ad 18 da 26 hadoŭ. Pry hetym vybar adnaho z troch taryfaŭ nie pryviazany da ŭzrostavych hrup. Hałoŭny kryter — maksimalny ŭzrostavy paroh 26 hadoŭ, pa dasiahnieńni jakoha košt abranaj opcyi pavialičvajecca.
U adroźnieńni ad staroha taryfu lemon, usie zvanki ŭnutry sietki ciapier biaspłatnyja, a dla abanientaŭ lemon X i lemon Y praduhledžanyja biaspłatnyja chviliny i na numary inšych apierataraŭ. U zaležnaści ad taryfnaha płanu ŭ apłatu ŭklučany internet-trafik ad 1 da 8 HB. Pry hetym niavykarystany ŭ hetym miesiacy trafik aŭtamatyčna pieranosicca na nastupny. Kali hetaha nie chapiła, možna padklučyć dadatkovy pakiet ci bieźlimitny internet na abranaj chutkaści.
Novaja liniejka lemon uličvaje rost papularnaści mesendžaraŭ i sacsietak. «Čacicca» biez abmiežavańniaŭ prapanujecca ŭ Telegram, Viber, WhatsApp i Facebook Messenger. Poŭny bieźlimit na dzieviać sacsietak — Facebook, Instagram, Pinterest, Twitter, Snapchat, «Adnakłaśniki», VK, Tinder, BOOM — uklučany ŭ košt pakieta abanientam «starejšych» taryfaŭ, a dla lemon Z padklučyć hetuju pasłuhu možna ŭsiaho za 3,90 rubla na miesiac.
U taryfnyja płany lemon taksama ŭklučanyja roznyja padpiski VOKA, jakija pryjducca daspadoby hledačam roznych uzrostaŭ. Tak, abanienty lemon Z atrymajuć dostup da padpiski Disney, lemon Y — da filmaŭ i sieryjałaŭ u ivi, a karystalniki lemon X zmohuć hladzieć usie 79 kanałaŭ VOKA TV. Siarod dadatkovych pakietaŭ — bieźlimit na muzyku ŭ Apple Music, Google Play Music abo SoundSloud za 0,90 rubla, a taksama nieabmiežavany dostup u Youtube pa akcyjnaj canie 2,90 rubla da kanca hoda.
Papiaredni lemon z koštam pakieta pasłuh u 9,90 rubla z 30 maja pieramiaščajecca ŭ archiŭ. Abanienty hetaha taryfnaha płanu mohuć praciahnuć karystacca im abo pierajści na novuju liniejku lemon.
Kamientary